Ağbaba folkloru/Nanaylar/Ay nazlı gəlin

←../

Ağbaba folkloru/Nanaylar

../→

Nanay

 
Bulağın başına gəl,
Ay nazlı gəlin.
Dibinin daşına gəl,
Can nazlı gəlin.

Mən getdiyim oğlanın
Ay nazlı gəlin,
Sən də qardaşına gəl,
Can, nazlı gəlin.

O taydan topatdılar,
A nazlı gəlin.
Topu topa qatdılar,
Can, nazlı gəlin.

Dedilər yarın gəlir,
Ay nazlı gəlin,
Ürəyim oynatdılar,
Can, nazlı gəlin.

Toplayanı:Tacir Səmimi, AMEA Folklor İnstitutunun elmi işçisi