Resept:Giləmeyvəli keks
(Giləmeyvəli keks səhifəsindən yönləndirilmişdir)
| Giləmeyvəli keks | |||
|---|---|---|---|
 | |||
| Kateqoriya: | Kekslər | ||
| Porsiya: | 6 | ||
| Enerji qiyməti: | 1000-800 kkal. | ||
| vaxt: | 2-3 saat | ||
| Hazırlanma mürəkkəbliyi: | 
| ||
Tərkibi
redaktə- 2 stəkan əla növ un
- 2 çay qaşığı qabartma tozu (baking powder). Əgər yoxdursa, 2/3 çay qaşığı soda ilə əvəz edin.
- 1/2 çay qaşığı duz
- 1/2 stəkan otaq hərarətində yumuşaldılmış kərə yağı (ərinmiş yağ deyil)
- 1 stəkan şəkər tozu
- 4 yumurta
- 1 stəkan qatıq (turş olmasın)
Hazırlanma qaydası
redaktə
1 stəkan qarışıq giləmeyvələr (istədiyiniz giləmeyvədən 3 növ seçin: çiyələk, moruq, böyürtgən və sairə. Çiyələkdən istifadə edəcəksinizsə, onu iri-idi doğrayın. Digər giləmeyvələr bütöv qalsın). 2 xörək qaşığı sürtkəcin iri dişindən keçirilmiş portaqal qabığı (istəyə görə limon qabığıyla da əvəz oluna bilər).
- Bir qabda un, qabartma tozu və duzu qarışdırın.
- Başqa iri bir qabda yağı və şəkəri mikserlə ağaranadək çırpın. Yumurtalarl bir-bir əlavə edərək, çırpın. Sonra qatığı əlavə edib qarışanadək çırpın. Unlu qarışığı bu qarışığa əlavə edib, bütün ərzaqlar qarışanadək çırpın.
- Giləmeyvə və portaqal qabığını alınan kütləyə əlavə edib, giləmeyvələri əzmədən qaşıqla qarışdırın.
- 21 X 11 santimetr ölçüləri olan keks formasının (kərpic şəklində olan forma) dibini və kənarlarını azacıq yağlayın.
- Alınan kütləni yağlanmış keks formasına tökün. Sobanın orta rəfində təxminən 70 dəqiqə ərzində, üstü qızaranadək bişirin. Keksin hazır olub olmamasını yoxlamaq üçün içərisinə kibrit batırıb çıxardın – çıxan kibritə xəmir yapışmayıbsa¸ tortunuz hazırdır. Keks öz formasında bir qədər soyuduqdan sonra, onu formadan çıxardın. Keks ancaq tamamilə soyuduqdan sonra kəsilməlidir.