Resept:Çiyələkli merenqa
"Merenqa" "çalınmış yumurta ağı və şəkərdən hazırlanan pirojna" deməkdir.
Tərkibi
redaktəPeçenyesi üçün
redaktə(10 porsiya)
- Un - 200 qr
- Şəkər - 60 qr
- Kərə yağı - 60 qr
- Xəmir qabardıcı(soda) - 5 qr
- Yumurta - 1 ədəd
- Qoz - 50 qr
- Çiyələk - 150 qr
Merenqa üçün
redaktə- Yumurta ağı - 2 ədəd
- Şəkər - 150 qr
Hazırlanması
redaktəYumurta, şəkər çırpılaraq, yağ, xəmir qabardıcı və un əlavə edilir. Xəmir yoğrulur. Zövqə görə xəmirə bir xörək qaşığı xama və bir çimdik duz qoyub, xırdalanmış qoz da əlavə edilir. Xəmir qozla yaxşıca qarışdırılır. Kündə 1 sm qalınlığında yayılır. Ağzı yuvarlaq bir stəkanla dairələr kəsilir. Duxovka listinə düzülüb 170 dərəcədə 10 dəqiqə bişirilir. Merenqa üçün şəkərə 50 ml su əlavə edib sirop düzəldilir, sonra yumurta ağları tədricən əlavə edilərək köpüklənənə qədər çırpılır. Əgər mikseriniz daha yaxşıdırsa, yumurta ağı ilə şəkəri sirop düzəltmədən çırpmaq olar. Peçenyelərin üzərinə çiyələk düzülür. Sonra onların da üzərinə mətbəx şprisi ilə merenqa qoyulur. Meranqalar yanmasın deyə üzərinə şəkildə göstərildiyi kimi dəmir tel qoyulur. Çiyələkli merenqanız hazırdır.