Resept:Qoşa ürək pirojnaları

ƏrzaqlarRedaktə

Biskvit korju hazırlamaq üçünRedaktə

  • 8 ədəd yumurta;
  • 2 stəkan şəkər tozu;
  • 2 stəkan un.

Meyvə şərbətini hazırlamaq üçünRedaktə

  • 130 qram şəkər tozu
  • 120 ml su
  • 1 x.q. çiyələk və ya albalı siropu

Krem hazırlamaq üçünRedaktə

  • 200-250 qram kərə yağı
  • 500 ml süd
  • 40 qram çiyələkli pudinq (toz halında olan)
  • 100-150 qram şəkər

Pirojnaları bəzəmək üçünRedaktə

  • Şokolad
  • Qoz ləpəsi
  • Hindqozu

Hazırlanma qaydasıRedaktə

Biskvit xəmiri hazırlayıb, korju bişirin. Bişmiş biskvit korjunu 8-12 saat ərzində kənara çəkib saxlayın. Xüsusi ürək formalı qəlib və yaxud kağız trafaretin köməkliyi ilə, korju ürək formasında kəsin. Sonra ayrılıqda hər bir ürək formalı pirojnanı uzununa iki hissəyə bölün.

Meyvə şərbətini hazırlayıb, soyumaq üçün kənara çəkin. Sonra soyumuş çiyələk və ya moruq siropunu hər bir pirojnanın üzərinə qaşıqla gəzdirirsiz, sirop pirojnanın canına çəkməlidir.

Krem hazırlamaq üçünRedaktə

450 ml südü qazana töküb qaynadın. Qalan 50 ml soyuq südə isə pudinq (toz halında olsun) və şəkər tozu əlavə edib, qarışdırın.

Qaynamış südü odun üzərindən götürün. Üzərinə pudinq və şəkər tozu ilə qarışdırılan soyuq südü əlavə edib, qarışdırın.

Sonra qazanı yenidən odun üzərinə yerləşdirib, 1 dəqiqə ərzində pudinq qatılaşana qədər qaynadın. Soyutmaq üçün kənara çəkin.

Yumşaldılmış kərə yağını çalın. Sonra kiçik porsiyalarla 1 xörək qaşığı ilə pudinqin üzərinə əlavə edib, yenidən yaxşıca çalın.

Kəsilmiş pirojnaların üzərinə krem sürtüb, iki-iki birləşdirin.

Pirojnaların üzərinə krem sürtüb, öz zövgünüzə görə bəzəyin. İstəsəniz sürtkəcdən keçirilmiş ağ şokolad, xırda doğranılmış qoz ləpəsi və hindqozu ilə bəzəyə bilərsiz.

MənbəRedaktə