Resept:Piti

Piti
Kateqoriya:	Azərbaycan mətbəxi
Porsiya:	2
Enerji qiyməti:	1000-2000 kkal.
vaxt:	2 saat.
Hazırlanma mürəkkəbliyi:
Vikipediyada məqalə Commonsda şəkil

Tərkibi

Xammalların miqdarı küftə-bozbaşda olduğu kimidir:

• Qoyun əti - 163 q.
• Quyruq - 20 q.
• Düyü - 15 q.
• Təzə alça - 30 q.
• Noxud - 25 q.
• Kartof - 150 q.
• Baş soğan - 18 q.
• Zəfəran - 0,1 q.
• Quru nanə - 0,1 q.
• İstiot – zövqə görə.
• Duz – zövqə görə. Yay vaxtı zəfəran 50 q pomidorla əvəz edilir.

Hazırlanma qaydası

Pitinin hər payına 55-60 qramlıq 2-3 tikə qoyun əti götürülür. Noxud 4-5 saat soyuq suda isladılır. Ət və noxudu piti qabına qoyub zəif od üzərində tədricən bişirirlər. Xörəyin hazır olunmasına 30 dəqiqə qalmış kartof, iri doğranmış soğan, alça, duz və zəfəran şirəsi tökülüb hazır olana kimi bişirilir.

Süfrəyə verilməsi

Piti bir qayda olaraq bişirildiyi qabda süfrəyə verilir, yanına dərin boşqab və ya kasa, sumaq və təmizlənmiş baş soğan qoyulur.

Mənbə

• Azərbaycanın sulu xörəkləri
• Piti resepti