Resept:Qızardılmış nərə balığı

Tərkibi

Nərə balığı

• Nərə balığı – 1 kq.
• Quru çörək urvası – 40 qr.
• Yağ – 0,5 stəkan.
• Soğan – 1 baş.
• Göy soğan – 40 qr.
• Limon – 1 ədəd.
• Nar – 1 ədəd.
• Yerkökü – 20 qr.
• Duz – zövqə görə.
• İstiot – zövqə görə.

Hazırlanma qaydası

Yağ əridilir və ona sürtgəcdən keçirilmiş yerkökü əlavə edilib 4 dəqiqə bişirilir. Sonra yağ süzülür və yerkökü xıltı atılır. Nərə balığı təmizlənib yuyulur, paylıq tikələrə bölünür. Duz, istiot vurularaq urvalanır və üzərinə ərinmiş yağ tökülərək kürədə və ya fırında bişirilir.

Süfrəyə verilməsi

Süfrəyə verilərkən üzərinə nar dənələri və doğranılmış göy soğan səpilir. Ətrafına isə halqalara doğranılmış baş soğan və limon dilimləri düzülür.